ကျေးဇူးတော် – GRACE

ဘုရားသခင်၏ ကျေးဇူးတော် အကြောင်းရှင်းလင်း စွာ နားလည် သဘောပေါက်ခြင်း သည် သန့်ရှင်းစင်
ကြယ်သော အသက် တာနှင့် အောင်မြင်သော အ သက်တာ၏ အဓိကသော့ ချက်တစ်ခုဖြစ်ကြောင်း
ကျွန်မယုံကြည်ပါသည်။ သည်ကနေ့ ယုံကြည်သူ အတော်များများ ဘုရားသခင်၏ ကျေးဇူးတော် အ
ကြောင်း နားလည် သဘောပေါက်မှု မရှိကြသော ကြောင့် ပြသနာတွေနဲ့ပဲ လုံးခြာ လည်နေကြ ပါသည်။
ဘုရားသခင်၏ ကျေးဇူးတော် အကြောင်း ကျွန်ုပ်တို့  စတင် သဘောပေါက်လာ သည်နှင့်အမျှ ကျွန်ုပ်တို့အ
သက်တာ၌ ပြောင်းလဲမှုတွေ စတင်ဖြစ်ပေါ် လာမည် ဖြစ်ပါသည်။

တကယ်တော့  ‘ဘုရားသခင်၏ ကျေးဇူးတော်အကြောင်း’ သိနားလည်ဖို့က ရှုပ်ထွေးခက်ခဲလှသည့် အရာ မဟုတ်။ အလွန်ပင် ရိုးစင်းလှပါသည်။ လွယ်ကူရိုးစင်းလွန်း၍ပဲ လူအတော်များများ လွဲချော်နေ ကြခြင်း ဖြစ်သည်။ သမ္မာကျမ်းစာ၌ ပါရှိသည့် ကယ်တင်ခြင်း၊ ၀ိညာဉ်တော်နှင့် ပြည့်ဝခြင်း၊ ဘုရားရှင်နှင့် နက်ရှိုင်းစွာ မိတ်သဟာယပြုခြင်း၊ အောင်မြင်သောအသက်တာ၊ သည်အရာတွေအားလုံး ဘုရားသခင်၏ ကျေးဇးတော်အပေါ်၌သာ အခြေပြုထားပါသည်။

အတိုင်းထက်အလွန် ကြွယ်ဝလှသော ကျေးဇူးတော် (Grace if so much more …)
ကျေးဇူးတော်ဟူသည် ‘မထိုက်တန်ပဲ ခံစားရသော အခွင့်ထူး’ (Unmerited Favor of God) ဆိုသော အဓိပ္ပါယ်ဖွင့်ဆိုချက်ထက် ပိုမိုလေးနက်လှပါသည်။ ၄င်းသည် အသက်တာကို အန္တရာယ်ပြုနေသော မကောင်းဆိုးဝါးအားလုံးကို အောင်မြင်စွာ ခြေမှုန်းနိုင်သည့် ဘုရားသခင်၏ တန်ခိုးတော်လည်း ဖြစ် သည်။ သည်အရာအတွက် ကျွန်ုပ်တို့ အဖိုးအခပေးစရာ မလိုပါ။ ကျွန်ုပ်တို့အားလုံး အောင်းခြင်းထဲ၌ လျှောက်လှမ်းဖို့နှင့် ခမည်းတော်ဘုရားသခင်၏ ဘုန်းတော်ကို ထင်ရှားစေဖို့အတွက် ယေရှုက လက်ဝါး ကပ်တိုင်၌ အဖိုးအခ ပေးအပ်ခဲ့ပြီး ဖြစ်ပါသည်။

ယာကုပ် ၄း ၆ ၌ ‘ထိုဝိညာဉ်တော်သည် သာ၍များသော ကျေးဇူးကို ပြုတော်မူ၏။ ထိုသို့နှင့်အညီ ကျမ်းစာလာသည်ကား ထောင်လွှားစော်ကားသောသူတို့ကို ဘုရားသခင် ဆီးတားတော်မူ၏။ စိတ်နှိမ့် ချသောသူတို့အား ကျေးဇူးပြုတော်မူ၏’ ဟု လာသတည်း။ ဘုရားသခင်၏ အကူအညီမပါဘဲ သန့်ရှင်းသောအသက်တာကို ကျွန်ုပ်တို့ မလျှောက်လှမ်းနိုင်ဟု ၀န်ခံလျက် နှိမ့်ချခြင်းဖြင့် ကိုယ်တော့်ထံ ချဉ်းကပ်ပါက ကျွန်ုပ်တို့၏ အသက်တာ ကဏ္ဍပ်တိုင်းအတွက် အောင်မြင်စွာ လျှောက် လှမ်းရန် လုံလောက်သည့် ကျေးဇူးတော်ကို ပေးတော်မူမည် ဖြစ်သည်။

ကျွန်မအသက်တာ၌ အခက်အခဲ အတာအဆီး အတော်များများကို ဘုရားသခင်၏ ကျေးဇူးတော် အားဖြင့်ပဲ အောင်းမြင်စွာ ကျော်ဖြတ်နိုင်ခဲ့ပါသည်။ ကျွန်မခွန်အားနဲ့ ကျွန်မ ကြိုးစားခဲ့မိတာကိုလည်း သတိရမိပါသည်။ ကိုယ့်ကိုယ်ကို ပိုပြီး ကောင်းလာအောင်၊ ၀ိညာဉ်အသီးတွေ သီလာအောင် ကြိုးစား ခဲ့သည်။

ဒါတင်မက ကြိုးစားပြီး ဆုတောင်း၊ ကျမ်းစားဖတ်သည်။ ဇနီးကောင်းတစ်ယောက်နှင့် မိခင်ကောင်းတစ်ယောက်ဖြစ်ဖို့ အတွက်လည်း ကြိုးစားခဲ့သည်။ အရာရာကို မိမိခွန်အားဖြင့် ကြိုးစားခဲ့ သော်လည်း နောက်ဆုံး၌ ‘အချည်းနှီးဖြစ်ခြင်း’ နှင့်ပဲ အဆုံးသတ်ခဲ့ရသည်။ ဂလာတိ ၃း ၁၀ ၌ ပညတ်တရား၏ အကျင့်အားဖြင့် ကြိုးစားနေသောသူသည် စိတ်ပျက်ဖွယ်ရာနှင့်သာ အဆုံးသတ်ရ လိမ့်မည်ဟု ပြောထားပါသည်။ အဓိပ္ပါယ်က ဘုရားသခင်နှင့် မှန်ကန်စွာ ဆက်သွယ်နိုင်ဖို့အတွက် ပညတ်တွေ၊ စည်းကမ်းတွေနဲ့ပဲ ကြိုးစားနေပါက အချည်းနှီး ဖြစ်ခြင်းနှင့်သာ ကြုံတွေ့ရမည် ဖြစ်ပါ သည်။

တစ်နေ့ပြီးတစ်နေ့ (Day By Day)

‘ခရစ်တော်နှင့် သဏ္ဌာန်တူလာခြင်းဖြစ်စဉ်’ ထဲ၌  ကျွန်ုပ်တို့ တစ်နေ့ပြီး တစ်နေ့  ဖြတ်သန်းနေကြခြင်း ဖြစ်သည်။ သည်အရာကိုပဲ သန့်ရှင်း စင်ကြယ်စေခြင်း ဖြစ်စဉ် (Sanctification) ဟု ခေါ်ခြင်းဖြစ်သည်။ ကျွန်ုပ်တို့အတော် များများ ဖိလိပ္ပိ ၂း ၁၂ ကို ရင်းနှီးကြပြီး ဖြစ်လိမ့်မည်။ ‘ကိုယ်ကို ကယ်တင်ခြင်းငှာ ကိုယ်တိုင် ကြိုးစားအားထုတ်ကြလော့’။ သည်ကျမ်းပိုဒ်ကို လူအတော်များများ လွဲမှားစွာ အဓိပ္ပါယ်ဖွင် ဆိုနေကြသည်။

‘ကျွန်ုပ်တို့၏ ကယ်တင်ခြင်းအတွက် ကျွန်ုပ်တို့ ကိုယ်တိုင် ကြိုးစားအားထုတ်မှ ရမည်’ ဟု ဆိုနေခြင်း မဟုတ်။ ကယ်တင်ခြင်းဆိုသည်မှာ အခမဲ့လက်ဆောင် တစ်ခု ဖြစ်သည် (ဧဖက် ၂း ၈-၉)။ သည်မှာ ဆိုလိုသည်က  ဘုရားသခင်ဖြစ်စေလိုသည့် အသက်တာရောက်ဖို့အတွက် ၀ိညာဉ်တော် နှင့် ပူးပေါင်းဆောင်ရွက် ရမည်ဟု ပြောနေခြင်းဖြစ်သည်။  ကျွန်ုပ်တို့ ခွန်အားအပေါ် မဟုတ်ဘဲ၊ ဘုရားရှင်၏ ခွန်အားအပေါ် အမှီပြုရမည့်အကြောင်း အငယ် (၁၃)၌ တွေ့ရပါသည်။

‘အကြောင်းမူကား သင်တို့သည် အလိုရှိစေခြင်းငှာလည်းကောင်း၊ အကျင့် ကျင့်စေခြင်းငှာလည်းကောင်း၊ သင်တို့အထဲ၌ စေတနာတော် အားဖြင့် ပြုပြင်တော်မူသော သူကား ဘုရားသခင်ပေတည်း’။
ကျွန်ုပ်တို့တတွေ မြေကြီး ခန္ဓာနှင့်  အသက်ရှင်နေသမျှ ကာလပတ်လုံး ပြီးပြည့်စုံခြင်းဆိုသည်ကို ရရှိနိုင် မည်မဟုတ်သော်လည်း  ၀ိညာဉ်တော်ဘုရား၏ ပုံသွင်း ပြုပြင်မှုကို နေ့စဉ်ခံယူလျက် ကိုယ်တော်နှင့် အတူ ပူပေါင်းလုပ်ဆောင်နေရမည် ဖြစ်သည်။ ဆိုလိုသည်က နေ့စဉ်နှင့်အမျှ သစ်လွင်လတ်ဆတ် သော ဘုရားသခင်၏ ကျေးဇူးတော်ကို ခံယူနေရမည်။ ကျေးဇူးတော်ဟူသည် မန္နမုန့်နှင့် အလား သဏ္ဌာန်တူပါသည်။

မနေ့က ကျေးဇူးတော်သည် ယနေ့အတွက် လုံလောက်မှုမရှိပါ။ ယနေ့အတွက် အသသစ်သောကျေးဇူးတော် လိုအပ်သည်။ သို့ဆိုလျှင် ၄င်းကို မည်ကဲ့သို့ ရရှိနိုင်မည်နည်း။ အလွန်ပင် လွယ်ကူပါသည်။ ရိုးရိုးလေးတောင်းခံခြင်းဖြင့် လက်ခံရရှိနိုင်ပါသည်။ “ထို့ကြောင့် ငါတို့သည် သနား ခြင်း ကရုဏာကိုလည်းကောင်း၊ တော်လျော်သော မစခြင်းကျေးဇူးတော်ကိုလည်းကောင်း၊ ခံရမည် အကြောင်း၊ ရဲရင့်သောစိတ်နှင့် ကျေးဇူးတော်ပလ္လငသို့ တိုးဝင်ချဉ်းကပ်ကြကုန်အံ့” (ဟေဗြဲ ၄း ၁၆)။

သန့်ရှင်းသော အသက်တာ ဘယ်လိုဖြစ်လာပါ့မလဲ? ဆိုပြီး ကျွန်ုပ်တို့ စိုးရိမ်နေဖို့ ဘုရားသခင် အလို မရှိပါ။ ကိုယ်တော်အလိုရှိသည်က သန့်ရှင်းခြင်းကို လေ့လာဆည်းဖူးနေဖို့နှင့် အပြစ်ကို ပေါ့ပေါ့ဆဆ သဘောမထားဖို့ပဲ ဖြစ်သည်။ ကျေးဇူးတော်ဟူသည်အပြစ်လုပ်ဖို့ လိုင်စင်မဟုတ်။ အပြစ်လုပ်ဖို့အတွက် ကျေးဇူးတော်ကို ပေးထားခြင်းမဟုတ် (ရော၊ ၅း ၁၅)။ အပြစ်ကို အောင်းမြင်ဖို့အတွက် ပေးအပ်ထား ခြင်းဖြစ်သည်။ သန့်ရှင်းစွာ အသက်ရှင်ခြင်း၏ လျှို့ဝှက်ချက်မှာ ဘုရားသခင်လုပ်ဆောင်ပေးသော အပိုင်းနှင့် ကျွန်ုပ်တို့ လုပ်ဆောင်ရမည့် အပိုင်းကို နားလည်သဘောပေါက်ခြင်းပင် ဖြစ်သည်။

ဝိညာဉ်တော်နှင့် ပူးပေါင်းလုပ်ဆောင်ခြင်း  (Co-operating with the Holy Spirit)

သည်အရာက အောင်မြင်သောအသက်တာအတွက် သော့ချက်ပင်ဖြစ်သည်။ ၀ိညာဉ်တော် ဘုရား သည် ကျွန်ုပ်တို့အား သမ္မာတရားကို ဖွင့်ပြပေးသူနှင့် ကျွန်ုပ်တို့ ဘာအမှားလုပ်နေသည်၊ အမှန်က ဘယ်ဟာဖြစ်သည်ကို ဖော်ပြပေးသူ ဖြစ်သည်။ ကိုယ်တော်က အမှန်ကို ညွှန်ပြပေးသည့်အခါ ကျွန်ုပ်တို့အနေနှင့် ကိုယ်တော်၏ ကျေးဇူးတော်ကို ခံယူပြီး ချီးမွမ်းခြင်းနှင့် ၄င်းအရာကို လက်တွေ့ လုပ်ဆောင်လိုက်ဖို့ပဲ ဖြစ်သည်။

ကျေးဇူးတော်ဟူသည် ကျွန်ုပ်တို့အပေါ်သို့ အလိုအလျောက် ကျလာသည့်အရာ မဟုတ်။ ကျွန်ုပ်တို့က ရွေးယူရမည့်အရာ  ဖြစ်သည်။ ဘုရားရှင်ညွှန်ပြသည့်အရာကို သူ၏ကျေးဇူးတော်မပါဘဲ ကျွန်ုပ်တို့ လုပ်ဆောင်ပါက အချည်းနှီးပင်ပန်းမှုနှင့်သာ ကြုံတွေ့ရမည်။ ကျွန်ုပ်တို့သည် အရာရာကို ကိုယ်တော် ၏ ကျေးဇူးတော်အားဖြင့် လုပ်ဆောင်သည့်အခါ ပို၍ သန့်ရှင်းစင်ကြယ်သော အသက်တာ၌ အသက်ရှင်လာနိုင်မည် ဖြစ်သည်။ အမှန်စင်စစ် စစ်မှန်သော သန့်ရှင်းစင်ကြယ်ခြင်းဟူသည် ၀ိညာဉ် တော်နှင့် ကျွန်ုပ်တို့ ပူးပေါင်းဆောင်ရွက်မှု၏ သက်သေထင်ရှားခြင်းပင် ဖြစ်သည်။

ဘုရားသခင်နှင့် ထိတွေ့ဆက်သွယ်ခြင်း  (Being Plugged into God)
ဘုရားသခင်နှင့် ထိတွေ့ဆက်သွယ်ထားခြင်းက ကျွန်ုပ်တို့၏ ယုံကြည်ခြင်းကို ရှင်သန်လှုပ်ရှားစေ ပါသည်။ ဘုရားသခင်၏ ကျေးဇူးတော်ကို ယုံကြည်ခြင်းဖြင့် လက်ခံရယူနိုင်သည်။ ကျွန်ုပ်တို့ လူ့ သဘာဝက ဘုရားကျေးဇူးတော် မပါဘဲ သန့်ရှင်းစင်ကြယ်ဖို့ ကြိုးစားတတ်ခြင်း ဖြစ်သည်။ သည် အရာက အလွန်ပူအိုက်သည့်နေ့၌ လေပန်ကာကို မီးပလပ်မထိုးဘဲ လည်အောင်ကြိုးပမ်းနေခြင်း နှင့်တူ၏။ သင့်အနားမှာ ပန်ကာတွေ ဘယ်နှလုံးပဲရှိရှိ၊ မီးပလပ်မထိုးပါက သင်ချွေးတစ်လုံးလုံးနဲ့ပဲ ရှိနေ မည်ဖြစ်သည်။ ဘုရားသခင်နှင့် ကျွန်ုပ်တို့ ဆက်သွယ်မှုသည်လည်း ထိုးနည်းတူပင် ဖြစ်သည်။

ကျွန်ုပ်တို့နေနဲ့ အောင်မြင်မှုနည်းဗျူဟာများ၊ နိယာမများ၊ ဖော်မြူလာများ၊ ဘယ်လောက်သိသိ ဘာမှအကောင်အထည်မဖော်နိုင်ပဲ ဖြစ်နေနိုင်သည်။ ဆုတောင်းခြင်း၊ ကျမ်းစာလေ့လာခြင်း၊ အပေါင်းလက္ခဏာနှင့် ၀န်ခံခြင်း၊ ဒါတွေအားလုံးက ပန်ကာတွေလိုပဲ ဖြစ်သည်။ ကျွန်ုပ်တို့၏ ယုံကြည်ခြင်းက ပန်ကာခလုတ်လို ဖြစ်မည်။ သို့သော် ဘုရားသခင်၏ ကျေးဇူးတော်တည်းဟူသော ပါဝါလိုင်းကို ပလပ်မထိုးသရွေ့ ကျွန်ုပ်တို့၏ နည်းလမ်းအားလုံးက ဘာမှအသုံးမည်မဟုတ်ပေ။ အောင်မြင်ခြင်းဟူသည် ကျွန်ုပ်တို့၏ နည်းဗျူဟာ၌ ရှိသည်မဟုတ်။ ဘုရားသခင်၌သာ ရှိသည်။ ထို့ကြောင့် ဘုရားသခင်၏ ကျေးဇူးတော်ပါဝါလိုင်းနှင့် အမြဲထိတွေ့ ဆက်သွယ်ထားဖို့ လိုပါသည်။

သန့်ရှင်းခြင်းကို မှီအောင်လိုက်ခြင်း (Pursuing Holiness)
သန့်ရှင်းခြင်းပါရမီကို မှီအောင်လိုက်ခြင်းဟူသည် တစ်ကြိမ်တစ်ခါသာ ပြုရမည့်အမှုအရာ မဟုတ်။ တစ်သက်တာ ပတ်လုံး အမြဲမပြတ်လုပ်ဆောင်ရမည့် ဖြစ်စဉ်တစ်ခုဟု ဆိုနိုင်သည်။ တစ်ကြိမ်တစ်ခါ တည်းဖြင့် ပြီးပြည့်စုံသည့် သန့်ရှင်းခြင်းကို ကျွန်ုပ်တို့ ရရှိနိုင်မည်မဟုတ်ပါ။ ၄င်းသည် တစ်ဆင့်ပြီး တစ်ဆင့် ကျော်ဖြတ်ရမည့်ဖြစ်စဉ် (Step – by – Step Process) ပင် ဖြစ်သည်။ ဘုရားသခင်၏ ကျေးဇူးတော်အပေါ် အမှီမပြုဘဲ မိမိခွန်အားဖြင့်သာ ကြိုးစားနေလျှင် ကျွန်ုပ်တို့ ကျရှုံးမည်သာ ဖြစ်သည်။ အပြစ်နှင့် ညစ်ညူးနေသော မြို့ထဲမှ သန့်ရှင်းခြင်းမြို့တော်သို့ ခရီးပြုလိုပါက ကျေးဇူးတော် အဝေးပြေးလမ်းမကြီးဖြင့်သာ သွားရမည်။ သည့်ပြင် အခြားလမ်းမရှိပါ။

လူ့ခွန်အား၊ လူ့ကြိုးစားအားထုတ်မှုအစား ဘုရားသခင်၏ ကျေးဇူးတော်နယ်ပယ်ထဲ၌သာ လျှောက် လှမ်းဖို့ သင့်ကို ကျွန်မအားပေးချင်ပါသည်။ ကိုယ်တော်၏ မစထောက်ပံ့မှုက အတိုင်းအဆမရှိပါ။ ကျေးဇူးတော်ကို အမှီပြုပြီး လျှောက်လှမ်းသူတိုင်း လိုအပ်သမျှ အရာခပ်သိမ်းကို ကြွယ်ဝစွာ ရရှိခံစား ရမည်။

ဘုရားသခင်က ကျွန်ုပ်တို့အား သာမာန် ‘ရိုးရိုးကျေးဇူးတော်’ ကို ပေးအပ်ခြင်းမဟုတ်။ အလွန်ကြွယ်ဝ ပြည့်စုံသော ကျေးဇူးတော်ကို ပေးအပ်နေခြင်းဖြစ်သည်။ သည်အရာအတွက် သင် ၀မ်းမြောက်ပါ။ အဲသည်အရာအပေါ်မှာ မှီတည်ပါ။ ကိုယ်တော်၏ အတိုင်းအဆမဲ့သော ကျေးဇူးတော်က သင့်ဘ၀ အတွက် အကောင်းဆုံးသောအရာများကို ဆောင်ကြည်းပေးလာမည်ဆိုတာ သင် ယုံကြည်စိတ်ချ နိုင်ပါသည်။ “ငါ့ကျေးဇူးသည် သင့်အဖို့ လောက်ပေ၏” (၂ကော၊ ၁၂း ၉)။

Rev. သိန်းသန်း

ဝန်ခံချက်။    ။ ၂၀၀၆ ခုနှစ် February လထုတ် “Enjoying Every Day Life” စာစောင်မှ Joyce Meyer ၏ Grace; Unmerited Favor and so much more ဆောင်းပါးအား မြန်မာဘာသာသို့ ဆီလျှော်အောင် ပြန်ဆိုခြင်းဖြစ်သည်။

Be the first to comment

Leave a Reply

Your email address will not be published.


*